Vantar meira leiguhúsnæði í Grindavík

Hvað ertu að bralla þessa dagana?
„Ég er flokkstjóri í vinnuskólanum í Grindavík.“

Hvað finnst þér best við það að hafa alist upp á Suðurnesjunum?
„Umhverfið rólegt og þægilegt og svo er auðvitað stutt í flest allt.“

Ef þú ættir að mæla með einhverju einu af svæðinu fyrir þá sem ekki búa hér, hvað væri það?
„Það er rosalega margt hægt að skoða á Suðurnesjunum en ég held ég myndi helst mæla með því að labba upp á Þorbjörn því útsýnið er geggjað.“

Hvað ætlarðu að gera í sumar?
„Ég fer meðal annars til Þýskalands, Belgíu og Makedóníu til þess að fylgjast með litlu systir minni keppa í körfubolta.“

Hvað gerðiru að gera um Verslunarmannahelgina?
„Auðvitað skellti ég mér á Þjóðhátíð.“

Hvað finnst þér betur mega fara í bænum?
„Ég held ég sé bara ánægð með flest allt. Bæjarstjórnin stendur sig vel en það vantar meira húsnæði sem hægt er að leigja.“