Vanalega á síðasta snúningi með jólagjafirnar

Sunneva Guðjónsdóttir ólst upp í Njarðvík og starfar í dag sem verkefnastjóri. Sunneva er ekki mikið jólabarn, með ferðabakteríu á háu stigi og sækir í það að vera erlendis um jólin, hún heldur þó í nokkrar jólahefðir.

Ertu mikið jólabarn?
Ég get ekki sagt að ég sé mikið jólabarn.

Hvað finnst þér best um jólin?
Mér finnst voða notalegt að vera heima hjá mér í einhverjum kósý galla og borða góðan mat.

Hvenær klárar þú að kaupa jólagjafirnar?
Það er svona oftast rétt fyrir jól ég er vanalega á síðasta snúning með jólagjafirnar.

Hvers vegna sækir þú í það að vera erlendis um jólin?
Mér finnst voðalega notalegt að erlendis yfir þennan tíma komast burt frá skammdeginu og jafnvel stressinu sem fylgir jólunum. Ég er einnig með ferðabakteríu á háu stigi og því er þetta góður tími til að nýta jólafríið, fara frá hversdagsleikanum og kynnast nýju umhverfi og hefðum.

Ertu með einhverjar hefðir í kringum jólin?
Ég kíki vanalega á jólatónleika og heimsæki kirkjugarðinn.