Vanafastur um Versló og drekkur bjór

Hvað ætlarðu að gera um Verslunarmannahelgina?
„Ég er að vinna auka í þetta skiptið.“

Ertu vanafastur um Verslunarmannahelgina eða breytirðu reglulega til?
„Ég hef farið síðustu fimm skipti á Þjóðhátíð, þannig ég er frekar vanafastur með það.“

Hver er eftirminnilegasta Verslunarmannahelgin til þessa? Af hverju?
„Þjóðhátíð 2014, vegna þess að allt draslið mitt fauk í burtu og það tapaðist á fyrsta kvöldi en maður reddaði sér samt einhvern veginn.“

Hvað er nauðsynlegt að þínu mati um Verslunarmannahelgina?
„Bjór.“

Hvað ertu búinn að gera í sumar?
„Barcelona, Los Angeles, Las Vegas, Tenerife og vinna.“

Hvað er planið eftir sumarið?
„Planið er að ferðast meira og vinna meira.“