Valdimar tók faðmlagið með Jóni Ársæli
Verður í Sjálfstæðu fólki á sunnudag.
„Ég er búinn að vera að hanga með þessum svolítið síðustu daga. Þeir sem eru með Stöð 2 gætu hugsanlega séð þetta hangs okkar næsta sunnudagskvöld,“ segir söngvarinn Valdimar Guðmundsson á Facebook síðu sinni rétt í þessu. Á mynd sem fylgir með faðmast Valdimar og Jón Ársæll vinalega.
Jón Ársæll og Valdimar hafa varið undanförnum dögum saman við tökur fyrir þáttinn Sjálfstætt fólk og stoppuðu m.a. við í Hljómahöllinni í dag og tóku upp spjall þar. Neðangreind mynd var birt af því tilefni á Facebook síðu Hljómahallar í dag.
Þátturinn verður, eins og áður segir, á dagskrá Stöðvar 2 næstkomandi sunnudag.
