Útsvarsliðið sækir liðsstyrk á slysó
– Guðrún Ösp Theódórsdóttir tekur sæti Huldu Geirsdóttur
Breytingar hafa orðið á Útsvarsliði Reykjanesbæjar. Útvarps- og hestakonan Hulda Geirsdóttir hefur yfirgefið liðið en í hennar stað er kominn liðsstyrkur frá slysa- og bráðamóttöku Heilbrigðisstofnunar Suðurnesja. Guðrún Ösp Theódórsdóttir hjúkrunarfræðingur er kominn í liðið í stað Huldu. Þeir Grétar Þór Sigurðsson og Baldur Þórir Guðmundsson eru áfram í liðinu frá síðasta vetri.
Útsvarsliðið kom saman í gærkvöldi á veitingastaðnum Vocal í Keflavík til að bera saman bækur sínar. Þá var meðfylgjandi mynd tekin en með Útsvarsliðinu er Anna Lóa Ólafsdóttir, forseti bæjarstjórnar Reykjanesbæjar.
