Útskáladagurinn haldinn 13. maí

Nú hefur verið ákveðið að halda Útskáladaginn sunnudaginn 13. maí nk. og hefst hátíðin kl. 15:00 í Útskálakirkju í Garði.  Hörður Gíslason formaður félags Hollvina að Útskálum setur samkomuna.  Kirkjukórar Útskála og Hvalsnes syngja, þá verður einnig flutt tónlistaatriði á vegum Tónlistarskólans í Garði.  Jón Hjálmarsson stjórnarformaður Menningarseturs að Útskálum og sr. Björn Sv. Björnsson sóknarprestur að Útskálum segja frá sögu, uppbyggingu og framkvæmdum að Útskálum. Í framhaldi af frásögn og tónlistaatriðum verður gengið um svæðið og framkvæmdir skoðaðar, formlegri dagskrá lýkur kl. 16:30.  Nánari upplýsingar um uppbyggingu að Útskálum í Garði er að finna á heimasíðu Menningarseturs að Útskálum www.utskalar.is

Kvenfélagið Gefn mun bjóða upp á kaffi og meðlæti. Kvenfélagið var stofnað að Útskálum 9. des 1917, og er því 90 ára á þessu ári.

Er það von Hollvinafélagsins að sem flestir velunnarar Útskála sjái sér fært að mæta til að eiga góðan dag, rifja upp gamlar minnigar og skapa nýjar.