Út og suður - Á ferð um landið með Gísla Einarssyni

Ríkisútvarpið hefur sent frá sér mynddiskinn Út og suður – á ferð um landið með Gísla Einarssyni. Í þáttunum bregður Gísli upp svipmyndum af ólíku fólki sem hefur frá mörgu að segja.

Í þessu safni þáttanna frá 2005-2006 er rætt við margs konar fólk með ólíkan bakgrunn. 

Svo nokkuð sé nefnt er flogið til Parísar með Karlakór Kjalnesinga, farið í heimsókn til ungrar stúlku sem stofnaði veitingastað í Öxnadal, hús tekið á geðhjúkrunarfræðingi sem rekur sitt eigið fyrirtæki í Fljótshlíðinni og talað við fyrrverandi liðsforingja í norska hernum sem nú er æðarbóndi í Reykhólasveit.

 
Viðmælendur Gísla eru:

Guðveig Anna Eyglóardóttir, heimasæta, Hálsi í Öxnadal.

Guðjón Bjarnason, bústólpi og virkjunareigandi, Hænuvík við Patreksfjörð.

Ólafur Sveinn Jóhannsson, lífskúnstner, Tálknafirði.

Jón Sveinsson, æðarbóndi og fyrrverandi liðsforingi, Miðhúsum í Reykhólasveit.

Stella Steinþórsdóttir, kjarnorkukvendi, Neskaupsstað.

Margrét Guðjónsdóttir, ellefu barna móðir, Dalsmynni á Snæfellsnesi.

Karlakór Kjalnesinga, söngglaðir Kjalnesingar í Parísarferð.

Steinn Eiríksson, stjórnandi Álfasteins, Borgarfirði eystri.

Bergþóra Reynisdóttir, geðhjúkrunarfræðingur, Fögruhlíð í Fljótshlíð.

Þorkell Zakaríasson, fyrrverandi vörubílstjóri, Brandagili í Hrútafirði.

LENGD 140 MÍNÚTUR