Úr veðurofsa í flugeldasýningu í frábæru veðri

Það voru heldur betur umskipti hjá veðurguðunum í Reykjanesbæ í kvöld. Það var sannkallaður veðurofsi á tíunda tímanum í kvöld með roki og rigningu en aðeins fáeinum mínútum fyrir flugeldasýningu Ljósanætur hurfu ský af himni, sem varð stjörnubjartur og flugeldum var skotið upp í hægum vindi. Sýningin var glæsileg og nokkuð víst að veðurguðunum líkar við flugeldasýningar Ljósanætur.

Sölvi Logason smellti myndum af flugeldasýningunni, sem má finna í myndasafni Víkurfrétta hér á vf.is. Myndband af sýningunni kemur inn á vf.is á morgun, sunnudag.