Úr Qmen í Ísdrottninguna

Fyrir stuttu síðan var haldin keppni í Smáralindinni sem nefndist Ísdrottninginn- Fegurðarsamkeppni framhaldskólanna. Mikið var um dýrðir og stelpur sem tóku þátt komu frá öllum landshornum. Suðurnesjamenn áttu sinn keppanda á þessum vettvangi einsog öðrum en það var hún Irmý Ósk Róbertsdóttir, 17 ára Keflavíkurmær. Irmý Ósk kom, sá og sigraði í keppninni og var útnefnd Ísdrottningin að viðstöddu fjölmenni í Vetrargarðinum, Smáralind. Víkurfréttir tóku stutt viðtal við stelpuna um fyrirsætustörfin, skólann og framtíðina. Hún tók þátt í keppninni um sumarstúlku Qmen í fyrra, en keppnin er nýhafin aftur á síðum Víkurfrétta en þátttakandi nr. 2 er kynntur í Víkurfréttum í þessari viku

Ertu í skóla?
Já, ég er í Fjölbrautaskóla Suðurnesja og var að klára prófin. Er að fara á listnámsbraut í haust en ég stefni á að verða arkitekt í framtíðinni.
Hvernig hefur gengið hjá þér eftir keppnina?
Bara mjög vel, strax eftir keppnina tóku erlendir blaðamenn viðtal við mig og síðan hef ég farið í nokkrar myndatökur. Ég fór í myndatökur fyrir QMEN og nú síðast fyrir Séð og Heyrt.
Eru fyrirsætustörfin skemmtilegt?
Þetta er mjög gaman, þetta er nú samt ekki eitthvað sem breytir lífi mínu heldur frekar skemmtileg aukavinna. Það er þó alls ekki létt að vera módel, ekki margir sem þurfa í vinnu sinni að standa í frjósandi kulda á bikiníi og brosa í þokkabót.
Til hvaða lands langar þér mest að komast til?
Mig hefur lengi langað að koma til Danmerkur og það rætist á fimmtudaginn (í dag) því ég fékk utanlandsferð fyrir 2 í verðlaun í Ísdrottningunni. Alltaf langað að koma til Ameríku og það rætist líka í sumar.
Hvað er í geislaspilaranum?
Geislaspilarinn er opin fyrir öllu nema kántrý
Hvar sérðu þig eftir 10 ár?
Þá á ég fjölskyldu, í góðri vinnu og á mitt eigið heimili og hef það gott!
Ef þú ættir 50 milljónir, í hvað myndirðu eyða?
Ég myndi kaupa mér flottan Benz og íbúð í Reykjanesbæ, leigja hana út á meðan ég bý hjá foreldrum mínum. Síðan auðvitað myndi ég kaupa mér föt en afgangurinn færi inn á banka.
Hvert fara strákarnir ef þeir vilja hitta þig um verslunarmannahelgina?
Mæta upp í flugeldhús, við vinkonurnar lentum á vinnuhelgi :)