Umhverfisverðlaun í Reykjanesbæ - Fegurðin öll í Keflavík!

Fallegir garðar eru augnayndi en undanfarin ár hefur orðið mikil vakning á meðal bæjarbúa hvað varðar garðrækt og umhirðu húsa. Reykjanesbær veitir árlegar viðurkenningar fyrir hús og garða sem þykja snyrtilegir og vel hirtir. Viðurkenningarnar voru afhentar í gær á veitingahúsinu Ránni í Keflavík.Sigurlaug Gunnarsdóttir og Davíð Eyrbekk hlutu viðurkenningu fyrir vel gróinn og snyrtilegan garð að Fagragarði 10. Plastgerð Suðurnesja hlaut viðurkenningu fyrir snyrtilegan og góðan frágang á atvinnuhúsnæði í byggingu að Framnesvegi 19. Elísabet Guðmundsdóttir og Olgeir Andrésson hlutu viðurkenningu fyrir endurbætur á garði í eldra hverfi að Vatnsnesvegi 13. Íbúar að Heiðarbraut 1, þau Guðrún Guðmundsdóttir og Jónas Ragnar Franzson, Herdís Gunnarsdóttir og Haukur Ingi Hauksson, Valdís Þórarinsdóttir og Helgi Hermannsson,Sparisjóðurinn í Keflavík, Hjördís Árnadóttir og Jóhannes Kjartansson, Margrét Símonardóttir og Hreinn Guðmundsson, hlutu viðurkenningu fyrir skemmtilegar útlitsbreytingar og fallegan frágang húsa og lóða.