TÓNAflæði í 88 Húsinu

Á morgun, miðvikudag, verður TÓNAflæði í 88 Húsinu. Fram koma : Tabula Rasa, Full Speed Power-Party og Morðingjarnir

Tabula Rasa er hljómsveit frá Suðurnesjunum. Meðlimir hljómsveitarinnar eru Sverrir (trommur) og kærustuparið Fríða (bassi og söngur) og Finnbjörn (gítar, söngur og óteljandi effektar). Þau spila lágstemmt rokk eða jaðartónlist. Hljómplata er á leiðinni frá þeim.

Full Speed Power Party er hljómsveit frá Reykjavík. Hljómsveitin inniheldur þrjá meðlimi úr Búdrýgindi þannig að búast má við hörku tónleikum frá þessu nýja bandi.

Morðingjarnir koma frá Reykjavík og eru þekktir fyrir að vera merkilega aktív pönkhljómsveit. Stefnan er engin, fordómar í lágmarki og þeir snobba ekki fyrir neinu. Tveir meðlimir hljómsveitarinnar eru úr Dáðardrengjum.

Húsið opnar kl. 20:00. Öll neysla vímuefna og áfengis er stranglega bönnuð.
Aldurstakmark 16 ára