Töfrasýningu í Stapanum aflýst

Næstu helgi ætlaði Einar Mikael töframaður að vera með tvær sýningar í Stapanum í Njarðvík. Aðstoðakona Einars forfallaðist og ekki gefst tími til að þjálfa upp aðra stelpu fyrir þessa helgi. Fresta þarf sýningunni þangað til að ný aðstoðarkona finnst í verkið.

Mikill áhugi var fyrir sýningunni en Einar Mikael er búinn að skemmta mikið á Suðurnesjum í sumar.