Tíu stúlkur í Fegurðarsamkeppni Suðurnesja 2006

Tíu stúlkur taka þátt í Fegurðarsamkeppni Suðurnesja 2006 sem fram fer í marsmánuði. Hópurinn kom saman í fyrsta skipti um sl. helgi í Lífsstíl, þar sem stúlkurnar munu byggja sig upp fyrir keppnina. Fegurðarsamkeppni Suðurnesja er 20 ára á þessu ári og verður keppnin með glæsilegasta móti af því tilefni.

Stúlkurnar sem taka þátt í keppninni heita frá vinstri: Sif Aradóttir,
Telma Sigurðardóttir, Margrét Rósa Haraldsdóttir, Thelma Dögg Þorvaldsdóttir, Dísa Edwards, Inga Lilja Eiríksdóttir, Birgitta Birgisdóttir, Linda Ström, Bergþóra Hallbjörnsdóttir og Gréta Guðbrandsdóttir.

Þegar nær líður keppninni verða stúlkurnar kynntar nánar hér í Víkurfréttum og í Tímariti Víkurfrétta sem kemur út innan skamms eftir langt hlé. Þar verður einnig efni tengt 20 ára afmæli Fegurðarsamkeppni Suðurnesja.

Til að sjá stærri mynd af stúlkunum er lesendum bent á nýjasta tölublað Víkurfrétta sem má nálgast á forsíðu vf.is vinstra megin. Fréttina um Fegurðarsamkeppni Suðurnesja er að finna á bls. 2