Tíu keppa um ljósahús Reykjanesbæjar

Hallbjörn Sæmundsson er mikill jólakarl. Hann býr við Túngötu í Keflavík og heimili hans er þekkt sem jólahús barnanna. Hann skreytir heimili sitt hátt og lágt bæði að innan og utan svo eftir er tekið. Engin breyting er á í ár, nema síður sé.

 

Heimili Hallbjörns er eitt af tíu húsum í Reykjanesbæ hafa verið valin til úrslita í keppninni um Ljósahús Reykjanesbæjar 2014. Sérstök valnefnd skipuð Evu Björk Sveinsdóttur frá Reykjanesbæ, Þórhildi Evu Jónsdóttur frá HS Veitum og Páli Ketilssyni frá Víkurfréttum valdi tíu ljósahús í skoðunarferð um Reykjanesbæ.

 

Húsin sem eru tilnefnd í ár eru: Borgarvegur 20, Freyjuvellir 7, Heiðarból 19, Heiðarbrún 4, Melavegur 9, Miðgarður 2, Steinás 18, Túngata 14, Týsvellir 1 og Þverholt 18. Nánar um kosninguna í blaðinu í dag.