Tímarit Víkurfrétta komið á alla sölustaði

TVF, Tímarit Víkurfrétta, er komið á alla sölustaði á Suðurnesjum. Fyrstu blöðin voru komin í sölu síðdegis í gær og hafa viðbrögð við blaðinu verið mjög góð og sala gengið vel.

Þetta tölublað TVF er það fyrsta sem gefið er út í um eitt og hálft ár en ráðinn hefur verið sérstakur ritstjóri að blaðinu. Bryndís Jóna Magnúsdóttir, rithöfundur, ritstýrir TVF frá Svíþjóð en hér heima á fróni eru henni til halds og trausts Bergþóra Ólöf Björnsdóttir, bloggari og nú blaðamaður TVF. Einnig naut Bryndís Jóna aðstoðar blaðamanna og ljósmyndara Víkurfrétta.

Það hefur verið aðalsmerki TVF að birta fjölbreytt efni um Suðurnesjafólk, fyrir Suðurnesjafólk. Í þessu nýjasta tölublaði er leitað fanga víða. Rætt er við fólk á öllum aldri og úr öllum sveitarfélögum Suðurnesja. Þá er stúlkunum í Fegurðarsamkeppni Suðurnesja gerð sérstök skil í blaðauka en Fegurðarsamkeppnin  fer fram í kvöld í Stapa.

Eins og áður segir er TVF komið á alla blaðsölustaði og kostar kr. 599,-