Þyrla sótti kylfingana í Leiru

Kylfingarnir Logi Bergmann Eiðsson, Ragnhildur Sigurðardóttir, Þorsteinn Hallgrímsson og Eyjólfur Kristjánsson komu við á Hólmsvelli í dag en þau hafa verið á ferð og flugi um land allt og nota allan tiltækan ferðamáta í átt að takmarkinu. Markmiðið er að spila eina holu á öllum 18 holu völlum kringum landið en uppátækið er til styrktar MND félaginu. Eftir að hafa leikið eina holu í Bergvíkinni voru kylfingarnir sóttir af þyrlu sem flutti þá áfram til næsta golfvallar.

Hægt er að styrkja söfnunina með því að hringja í:

908 1001 - Til þess að gefa 1000 krónur
908 1003 - Til þess að gefa 3000 krónur
908 1005 - Til þess að gefa 5000 krónur

Sjá einnig viðtal við Loga Bergmann í Vefsjónvarpi Víkurfrétta hér á vf.is

Efri mynd: Ragnhildur veifar úr þyrlunni í kveðjuskyni. VF-mynd: elg

Neðri mynd: Logi Bergmann lítur á klukkuna í viðtali við Hilmar Braga. Tímaáætlunin var ströng. VF-mynd: elg