Þriðja sæti á vinabæjamóti

Íslensku unglingarnir sem tóku þátt í vinabæjamóti í frjálsum íþróttum í Kerava á dögunum höfnuðu í þriðja sæti. Árangurinn verður að teljast nokkuð góður þar sem frjálsar íþróttir hafa ekki verið iðkaðar í bæjarfélaginu s.l. 20 ár. Unglingarnir voru valdir af íþróttakennurum grunnskólanna eftir úrtökumót og þá var einnig horft til ástundunar og hegðunar í skólanum.

Alls voru sjö stúlkur og sjö drengir sem tóku þátt í mótinu frá vinabæjunum og drengirnir sigruðu í tveimur greinum. Anton Jarl Jóhannsson sigraði í kúluvarpi og þar varð Árni Freyr Ásgeirsson í öðru sæti. Guðjón Guðjónsson sigraði í hástökki. Í 100 og 800 metra hlaupi og í spjótkasti náðu drengirnir öðru sæti.

Íslensku stúlkurnar náðu best þriðja sæti í  kúluvarpi og 800 metra hlaupi. Trollhattan sigraði og Kristiansand varð í öðru sæti. Á næsta ári verður keppt í badminton í Trollhattan í Svíþjóð.