Þrettándagleði í Reykjanesbæ síðdegis

Árleg þrettándagleði í Reykjanesbæ verður haldin síðdegis á hátíðarsvæði á Bakkalág og við Hafnargötu 8. Dagskrá hefst kl. 18:00 með skrúðgöngu frá Myllubakkaskóla að hátíðarsvæði.

Á dagskrá eru álfabrenna, tónlist, söngur, álfakóngur og drottning, púkar, Grýla, Leppalúði og jólasveinar. Heitt kakó og piparkökur í boði Reykjanesbæjar.

Karlakór Keflavíkur, Kvennakór Suðurnesja, Leikfélag Keflavíkur, Skátafélagið Heiðabúar, Björgunarsveitin Suðurnes og Lúðrasveit og Trommusveit Tónlistarskólans taka þátt í dagskránni. Þá flytur Már Gunnarsson, 14 ára nemandi við Tónlistarskólann,  frumsamið jólalag og texta.

Börn eru hvött til að bregða á leik og klæða sig upp sem púka eða álfa í tilefni dagsins. Flugeldasýning á vegum Björgunarsveitarinnar Suðurnes.

Bílastæði eru við Ægisgötu og Ráðhús, Tjarnargötu 12.