Þrettándagleði í Reykjanesbæ

Þrettándagleði og álfabrenna verður haldin í Reykjanesbæ fimmtudaginn 6. janúar 2005.
Dagskrá hefst kl. 17:45 í Reykjaneshöll þar sem boðið verður upp á andlitsmálun fyrir yngstu krakkana til kl. 18:30.

Dagskrá í Reykjaneshöll hefst kl. 18:30 en boðið verður upp á tónlist, söng, grín og glens auk þess sem álfakóngur og drottning, púkar, Grýla, Leppalúði og jólasveinar mæta á staðinn. Karlakór Keflavíkur, Kvennakór Suðurnesja og Lúðrasveit Tónlistarskólans koma fram og boðið verður upp á heitt kakó.

Skrúðganga frá Reykjaneshöll hefst kl. 19:40 að Iðavöllum þar sem jólin verða kvödd með álfabrennu og flugeldasýningu á vegum Björgunarsveitarinnar Suðurnes.
Vegna  byggingaframkvæmda við Reykjaneshöll er gestum bent á bifreiðastæði við Samkaup, Fjölbrautaskólann og Íþróttahúsið við Sunnubraut.
Flugvallavegur á milli Sunnubrautar og upp á Reykjanesbraut ofan Iðavalla verður lokaður á milli  kl. 18.00 og 22.00
Af vef Reykjanesbæjar