Þórkötlustaðaréttir í Grindavík á laugardag

Réttað verður í Þórkötlustaðaréttum á morgun laugardaginn 21. september kl. 14:00 og að vanda verður margt um fé og fólk. Bæjarbúar eru hvattir til þess að ganga austur í Þórkötlustaðahverfi á nýjum malbikuðum göngustíg sem nær að Þórkötlustaðaréttum.

Bílastæði verða sérmerkt að þessu sinni svo bílar teppi ekki umferð á Suðurstrandarvegi/Austurvegi. Sjá skipulag á myndinni hér að ofan.