Þorgrímur Þráinsson í Leirunni í kvöld

Þorgrímur Þráinsson, rithöfundur og kyntröll verður ræðumaður kvöldsins á herrakvöldi Golfklúbbs Suðurnesja í Leirunni í kvöld. 

Þorgrímur mun taka fyrir samskipti kynjanna og kynna nýjustu bók sína „Hvernig gerirðu konuna þína hamingjusama“.

Þorgrímur er fyrrverandi knattspyrnustjarna með Val og það má því búast við einhverri umræðu um fótboltann svona í leiðinni. Sveinn Waage sem var fyndnasti maður Íslands fyrir nokkrum árum verður veislustjóri á þessu árlega fjáröflunarkvöldi golfklúbbsins þannig að það eru stórstjörnur í Leirunni í kvöld.

Þeir sem vilja nálgast miða á herrakvöldið geta haft samband við Gylfa Kristinsson í síma 8981009.