Þorbjörg Höskuldsdóttir með leiðsögn

Sunnudaginn 18. nóvember kl. 15:00 tekur listakonan Þorbjörg Höskuldsdóttir á móti gestum í sýningarsal Listasafns Reykjanesbæjar í Duushúsum þar sem sýning á nýjum málverkum hennar stendur yfir. Sýningin sem ber titilinn Ásýnd fjarskans er fyrsta einkasýning hennar í hartnær átta ár.

Þorbjörg á að baki langan og farsælan feril sem myndlistarmaður, auk þess sem hún hefur lagt gjörva hönd á leirkerasmíði og leikmyndagerð. Verk hennar er að finna í öllum helstu listasöfnum landsins, og frá 2006 hefur hún verið handhafi heiðursverðlauna frá Alþingi Íslendinga.

Aðgangur að Listasafni Reykjanesbæjar er ókeypis og heitt verður á könnunni.