Þér er boðið í Afmæli

Á hverju ári velja leikskólarnir í Reykjanesbæ sér nýja yfirskrift fyrir Listahátíð barna. Í ár var valið auðvelt og skemmtilegt, Afmæli. Tilefnið er að sjálfsögðu 20 ára afmæli Reykjanesbæjar þann 11. júní nk.

 

Leikskólarnir bjóða til veislu í Duushúsum og hafa börnin úr öllum 10 leikskólunum búið til girnilegar veitingar, skrautlegan borðbúnað og spennandi gjafir í veisluna.

 

Þá hafa þau líka æft lagið Gamli bærinn minn sem þau hafa sungið inn á myndband og er til sýnis á tjaldi í Bátasal.

 

Á meðan á hátíðinni stendur er starfrækt listasmiðja þar sem gestir og gangandi geta búið til afmæliskort handa afmælisbarninu.