Þemadagar í Njarðvíkurskóla - Þjóðsögur og ævintýri

Á miðvikudaginn síðasta byrjuðu þemadagar í Njarðvíkurskóla og enduðu þeir í dag með sýningu þar sem krakkarnir sýndu foreldrum afraksturinn í vikunni. Þemað að þessu sinni var þjóðsögur og ævintýri.

Krakkarnir í fyrsta til fimmta bekk voru með álfaþema þar sem þeir lögðu undir sig alla 2. hæðina og breyttu henni í álfahöll en þetta eru um 150 krakkar sem eru í þessum bekkjum.

Einnig sýndi áttundi bekkur leikrit um Bakkabræður, þá Gísla, Eirík og Helga við góðar undirtektir foreldra.

Fleiri myndir má finna í ljósmyndasafni Víkurfrétta með því að smella hér.

[email protected]



8. bekkur sýndi leikrit um Bakkabræður.