ÞANKAR ÞJÓNS
Að tilefni þrætueplis bæjarstjórnar vegna veitingastaðar í Grófinni. Vart get ég hlátrinum varist af vandræðagangi er barist. Í dýrðlegum bænum sem liggur að sænum er líklegt að bæjarstjórn farist. Sú deila mun mestmegnis snúast um við hverju eigi að búast. Ef sýnd er hér list þar sem menn geta hist meðan Gróa á Leitinu kúgast. Á verðinum sætt hafa sofið sem leyfðu að byggt yrði hofið. Við kusum þá menn er neyðast nú senn að bjóða fram næsta sinn klofið. Þeir sömu hér eru að verki sem samþykktu bæjarins merki. Þar súla er á þó vont sé að sjá hvort ryðfrí hún er eða ekki. Það sagt hefur verið við messu að menn séu hissa á þessu. Að ekki merkari mál en ryðfrítt stál skuli bæjarstjórn setja í pressu. Þó illa ég landslögin þekki hvort yfirleitt svona þau dekki. Þá fólkið mitt vel með þroska þann tel að velja hvað sé, hvað ekki.
