Sýningunni Tíminn tvinnaður að ljúka

Sunnudaginn 20. ágúst lýkur sýningunni Tíminn tvinnaður á Listasafni Reykjanesbæjar í Duushúsum.  Þar er á ferðinni alþjóðlegi listhópurinn Distill en í honum eru listamennirnir Amy Barillaro, Ann Chuchvara, Hrafnhildur Sigurðardóttir, Jaeha Yoo, Julie Poitras Santos, Patricia Tinajero Baker, Tsehai Johnson.  Þessir sjö nútímalistamenn eru búsettir í borgum víða um heim og list þeirra spannar sviðið frá tvívíðum hlutum í skúlptúra og innsetningar.  Hrafnhildur Sigurðardóttir tekur á móti gestum og segir frá sýningunni laugardaginn 19. ágúst kl. 15.00.