Sýning Kristjáns í Listasafni Reykjansbæjar opnuð

Sýning Kristjáns Jónssonar opnaði í Listasafni Reykjanesbæjar um helgina. Á sýningunni eru verk unnin með blandaðri tækni á striga og mdf plötur.  Kristján er fæddur í Reykjavík árið 1960. Eftir BA nám í auglýsingadeild University of South Florida árið 1984 sótti Kristján námskeið í teikningu, bæði í Reykjavík og Barcelona. Á árunum 1989 til 1993 stundaði hann nám í grafík og listmálun við listaskólann Massana í Barcelona.
Sýningin í Listasafni Reykjanesbæjar er níunda einkasýning Kristjáns Jónssonar. Sýningin er opin alla daga frá kl. 13:00 til 18:00 og stendur til 2. maí.