SXSXSX með lag frá grunni á 10 mínútum

-í vefþættinum Takt við tímann

SXSXSX er tónlistartvíeyki skipað þeim Birni Val Pálssyni og Helga Sæmundi Guðmundssyni. Vefþátturinn „Takt við tímann“ fékk SXSXSX til að semja lag á aðeins tíu mínútum. Þátturinn er tekinn upp í einni töku og er áhugavert og skemmtilegt að sjá hvernig tónlistarmennirnir búa til lagið skref fyrir skref. Hægt er að sjá afraksturinn í myndbandi hér að neðan eða á vefsíðunni albumm.is.

Björn Valur er frá Grindavík og hefur verið plötusnúður fyrir rappsveitina Úlf Úlf en Helgi Sæmundur er einn stofnenda þeirrar sveitar. Víkurfréttir tóku viðtal við Björn fyrr á árinu en hann útskrifaðist sem dúx úr námi í svokallaðri pródúseringu frá skóla í Los Angeles. Hann hefur einnig unnið mikið með Emmsjé Gauta og á nokkur lög af nýjustu plötu hans.

Björn og Helgi stofnuðu nýlega sveitina SXSXSX og hefur lag þeirra, Up Down ásamt Milkywhale, náð miklum vinsældum og sat meðal annars í tvær vikur á toppi vinsældarlista Rásar 2. Von er á þeirra fyrstu plötu á næstu mánuðum.