Sungu fyrir bæjarstjóra

Árni Sigfússon bæjarstjóri fékk til sín góða gesti í morgun þegar börnin á leikskólanum Gimli heimsóttu hann færandi hendi.
Börnin færðu Árna jólakúlur sem þau höfðu unnið á leikskólanum og sungu fyrir hann jólalag. Árni ræddi við þau um hlutverk bæjarstjórans og komu fram nokkrar ábendingar frá börnunum um það sem betur mætti fara í bænum.
Börnin voru síðan leyst út með gjöf áður en þau héldu ferð sinni áfram um bæinn.