Sungið um heilaga guðsmóður
-Ave María í Keflavíkurkirkju
Kvennakór Suðurnesja hélt aðventutónleika í Keflavíkurkirkju í gærkveldi undir yfirskriftinni Ave María sem var lýsandi fyrir efnisskrá tónleikanna sem tileinkaðir voru Maríu mey.
Það má segja að það sé vel við hæfi í lok þessa árs þar sem haldið hefur verið upp á 100 ára afmæli kosningaréttar kvenna að konur syngi um heilaga Guðsmóður, tákn kvenleika og móðurímyndar.
Einsöngvarar voru Birta Rós Arnórsdóttir og Guðbjörg Guðmundsdóttir . Geirþrúður Fanney Bogadóttir lék á píanó og Birna Rúnarsdóttir á þverflautu.
María Líndal las jólahugvekju og tónleikagestum var boðið upp á kaffi og konfekt í hléi.
Stjórnandi Kvennakórsins er Dagný Jónsdóttir.
