Sumarspjall: Held áfram að vinna tengdó í golfi

Friðrik Erlendur Stefánsson lagði körfuboltaskóna á hilluna nú í vor eftir glæsilegan feril með KFÍ og Njarðvíkingum. Friðrik segir það vera ljúft að þurfa ekki að vera að tapa sér á æfingum lengur þrátt fyrir að hann sakni óneitanlega félagsskaparins í körfunni. Mest kemur honum þó á óvart að hann skuli ekki vera valinn í landsliðið. Við spurðum Friðrik um hvað hann væri að bralla í sumar en hann er þessa stundina í fæðingarorlofi.

Hvernig hefur sumarið verið hingað til hjá þér?
Bara flott þrátt fyrir að það hafi byrjað seint.

Hvað fer á grillið hjá þér?

Humar frá Humarsöluni steiktur í sítrónusmjöri og Flott T Bone steik með kryddsmjöri og bakaðri kartöflu.

Á að ferðast eitthvað innanlands í sumar?

Já eitthvað verður það, veit bara ekki hvert verður farið.

En erlendis?

Nei reikna ekki með því, en kannski vinn ég í lottó.

Hvað á annars að gera í sumarfríinu?

Slappa af og halda áfram að vinna tengdó í golfi

Er eitthvað sem er einnkennandi fyrir íslenskt sumar að þínu mati?

Umferð á föstudögum og sunnudögum.

Hvað á að gera um verslunarmannahelgina?

Ég ætla allavegana ekki að styrkja ÍBV um 16.900 kr. Kannski í mesta lagi 8.000 kr ef það kemur heimþrá í mann.