Sumarspjall: Hamborgarar oftast á grillið

Grindvíkingurinn Sigurbjörn Daði Dagbjartsson var á makrílveiðum um verslunarmannahelgina en hann starfar sem togarasjómaður. Hann hefur dyttað að húsinu í sumar og haft það gott.

Hvernig hefur sumarið verið hingað til hjá þér?

Sumarið hefur verið mjög gott. Ég er togarasjómaður og hef verið í fríi núna frá 27. júní og var auk þess í fríi í maí. Annars hef ég verið á sjónum meira og minna í sumar.

Á að ferðast eitthvað innanlands í sumar?

Hef ferðast aðeins innanlands, var í sumarbústað í Kiðjabergi og fór til Grímseyjar yfir helgi.

En erlendis?

Mun ekkert ferðast erlendis í sumar.

Hvað á annars að gera í sumarfríinu?

Sumarfríið hefur að mestu farið í viðhald á húsinu og sólpallinum og er þeirri vinnu nánast lokið. Hef líka golfað nokkuð mikið.

Hvað fer á grillið hjá þér?

Það sem oftast fer á grillið er sennilega hamborgarar en allt kjötmeti er mjög vinsælt.

Er eitthvað sem er einnkennandi fyrir íslenskt sumar að þínu mati?

Íslensk sumarnótt er mest einkennandi fyrir íslenskt sumar.