Sumarjazz í Suðurnesjabæ

Sumardaginn fyrsta, þann 21. apríl, mun söngkonan Margrét Eir ásamt tríói fagna sumrinu með djasssveiflu af bestu gerð í Bókasafni Suðurnesjabæjar í Sandgerði. Tríóið skipa þeir Jóhann Hjörleifsson, trommuleikari, Andrés Þór Gunnlaugsson, gítarleikari, og Valdimar Olgeirsson, bassaleikari. Þau munu bjóða upp á fjölbreytta efniskrá djassstandarda úr gömlu söngleikjunum eins og til að nefna „Can't Help Lovin 'dat Man“, „Cheek to Cheek“ og „Anything Goes“. Hljómsveitin hefur m.a. komið fram á sumartónleikum Jómfrúarinnar, Jazzdögum í Kópavogi og í Hafnarfirði.

Tónleikarnir hefjast klukkan 20:00 og er aðgangur ókeypis.

Tónleikaröð Jazzfjelagsins er styrkt af Suðurnesjabæ, Uppbyggingarsjóði og Félagi Íslenskra Hljómlistarmanna.