Suðurnesjamenn í hjólahóp sem hjólar Íslandshring

Nokkir Suðurnesjamenn er í hjólreiðahópnum Team Rynkeby sem hjólar nú hringferð um landið til styrktar Styrkarfélagi krabbameinssjúkra barna, SKB.

Okkar fólk eru hjónin Haraldur Hreggviðsson, kokkur og hjólreiðakappi og kona hans Edda og svo hjónin Helga Oddsdóttir og Einar Jónsson. Haraldur sagði í stuttum skilaboðum til VF að þetta væri magnaður hópur og erfitt en skemmtilegt verkefni að hjóla hringinn í kringum landið.

Lagt var af stað frá Barnaspítala Hringsins 4. júlí en hópurinn mun hjóla um 850 km. í kringum landið til 11. júlí.  Team Rynke­by er stærsta evr­ópska góðgerðar­verk­efnið, þar sem þátt­tak­end­ur hjóla á hverju ári 1.200 km leið frá Dan­mörku til Par­ís­ar til styrkt­ar lang­veik­um börn­um og fjöl­skyld­um þeirra.

Hópurinn Team Rynke­by Ísland var stofnaður árið 2017 með það að mark­miði að hjóla í söfn­un­ar­átaki Team Rynkby til styrkt­ar SKB. Á síðastliðnu ári söfnuðust 23,6 millj­ón­ir kr.

Alls söfnuðu öll Team Rynke­by-liðin um 1,5 millj­örðum kr. í fyrra. Unnt er að heita 1.500 krón­um á Team Rynke­by með því að hringja í styrkt­ar­núm­erið 907-1601, 3.000 kr. með því að hringja í 907-1602 og 5.000 kr. í núm­erið 907-1603.