Suðurnesjamenn á Unglingalandsmót UMFÍ

Margar fjölskyldur af Suðurnesjum stefna á Unglingalandsmót UMFÍ í Þorlákshöfn um Verslunarmannahelgina.

Þetta er 11. unglingalandsmótið og liggur dagskrá mótsins fyrir. Keppt verður í fjölmörgum íþróttagreinum og er mótið fyrir alla á aldrinum 11-18 ára. Keppendur þurfa ekki að vera í íþróttafélagi til að taka þátt.

Dagskrá mótsins verður mjög fjölbreytt og ýmsir menningar- og listviðburðir verða fyrir unga sem aldna. Auk þess verður fjöruhlaup, dorgveiði, markaðstorg og ýmis leiktæki.

 

Hægt verður að skrá sig til þátttöku til miðnættis 30. júlí á vef mótsins.

Dagskrá mótsins er að finna hér.

 

Myndir af vef UMFÍ frá landsmótinu 2007.