HSS sumarstörf 14-21 mars
HSS sumarstörf 14-21 mars

Mannlíf

Styttist í frumsýningu Dýranna í Hálsaskógi
Mikki refur mætir í bakaríið.
Fimmtudagur 19. október 2017 kl. 12:34

Styttist í frumsýningu Dýranna í Hálsaskógi

Stífar æfingar eru þessa dagana hjá Leikfélagi Keflavíkur en stefnt er að því að frumsýna Dýrin í Hálsaskógi þann 3. nóvember næstkomandi í Frumleikhúsinu. Gunnar Helgason leikstýrir verkinu, en hann stýrði einnig Ávaxtakörfunni hjá félaginu árið 2014.

Guðlaugur Ómar Guðmundsson, sem fer með hlutverk Mikka refs í sýningunni, segir að fram að frumsýningu séu stífar æfingar og framkvæmdir. Þá segist hann vera orðinn nokkuð vanur því að leika vonda gæjann, en hann fór einnig með hlutverk plöntunnar í síðasta verki Leikfélagsins, Litlu Hryllingsbúðinni. „Mikki refur er hrekkjusvín sem gerir öðrum í Hálsaskógi lífið leitt. En hann getur þó verið blíður og ljúfur líka. Ég held að þessi sýning eigi eftir að höfða til allra.“

Public deli
Public deli

Sýningarplan verður tilkynnt í næstu viku, en miðaverð er 2.500 krónur og gert er ráð fyrir því að sýna út nóvember. Fyrir þá sem nota Snapchat er hægt að fylgjast með á „leikfelagkef“.

Meðfylgjandi myndir tóku Víkurfréttir á æfingu í gær.

Dýrin í Hálsaskógi