Stofna Suðurnesjadeild Gigtarfélags Íslands á fimmtudag

Frá því í vor hefur verið unnið að því að stofna deild innan Gigtarfélags Íslands hér á Suðurnesjum. Nú er komið að því að deildin verði stofnuð.

Gigtarfélag Íslands stendur fyrir stofnfundi fyrir deild félagsins á Suðurnesjum þann 19. september nk. Fundurinn verður kl. 19:30 í Virkjun á Ásbrú.

Á fundinum mun Elínborg Stefánsdóttir, hjúkrunarfræðingur á gigtardeild Landspítala, flytja fræðsluerindi um gigtarsjúkdóma, lyfjameðferð og svara spurningum.

Dagskrá fundar:

Fræðsluerindi Elínborgar Stefánsdóttir.

Kaffihlé.

Stofnun deildar GÍ á Suðurnesjum.

Kosning stjórnar og umræður um starf og hlutverk.

Fundi slitið.