Stöðug traffík og góð stemmning á nýjum markaði

Stöðug umferð og góð stemming hefur verið á nýju markaðstorgi sem opnaði í gamla Rammahúsinu á Fitjum í dag. Þar hafa hjónin Karen Hilmarsdóttir og Einar Árnason opnað nokkurs konar kolaport sem kallast Skansinn og þar er verslað með notað og nýtt.

Skansinn verður opinn föstudaga til sunnudaga. Í dag er opið til kl. 19 en um helgina er opið kl. 12-18 bæði laugardag og sunnudag.

Þó nokkrir sölubásar höfðu opnað í dag og fleiri höfðu boðað komu sína um helgina. Þá er hægt að setjast niður og njóta kaffiveitinga og í dag var ljúft undirspil frá félagi Harmonikuunnenda á Reykjanesi.

Þeir sem vilja bóka sölubás á Skansinum í gamla Rammahúsinu geta gert það með tölvupósti á [email protected]

Myndir frá Skansinum í dag. Víkurfréttamyndir: Hilmar Bragi Bárðarson



Að ofan er verið að versla með notaðan fatnað en að neðan má sjá kaffihúsið þar sem nú eru einnig málverk eftir listakonuna Tobbu.