Stemning á fjörugum föstudegi í Grindavík
Síðastliðinn föstudag héldu Grindvíkingar svokallaðan fjörugan föstudag á Hafnargötunni og var margt skemmtilegt um að vera. Má þar nefna tónleika hljómsveitarinnar Backstabbing Beatles í Þorbirni þar sem einnig var boðið upp á djúpsteiktan fisk og franskar, kollagendrykkinn Öldu og bjór frá bruggverksmiðjunni Steðja í Borgarfirði.
Jólasveinar sáust á kreiki og heilsuðu upp á börnin með gotterí í poka. Verkstæði og búðir á Hafnargötunni voru með opin hús og buðu upp á kynningar, tilboð og ýmis konar uppákomur og lögðu margir leið sína á Hafnargötuna sem haldinn var í sjötta sinn í ár.
Jólasveinar kíktu í heimsókn í fyrirtækið Vigt og gaf krökkunum mandarínur.
Hljómsveitin The Backstabbing Beatles hélt uppi stuði í Þorbirni.
Jólastjörnurnar vöktu mikla lukku meðal yngstu kynslóðarinnar.
Hér að neðan má sjá fleiri fínar myndir frá hátíðinni.
Föstudagur í Grindavík
