Steinþór Þórðarson vann utanlandsferð í Lyf og Heilsu

Steinþór Þórðarson á Þórustíg 9 í Njarðvík datt heldur betur í lukkupottinn þegar dregið var í Jólaleik Lyf og Heilsu. Hann hlaut inneign upp á 35.000 kr. hjá Iceland Express, sem hann getur nýtt til ferðalaga til annað hvort London eða Kaupmannahafnar á árinu. Önnur verðlaun, málsverð að andvirði kr. 15.000 hjá veitingahúsinu SOHO í Keflavík, hlaut Anna Sigga Húnadóttir að Suðurgarði 24 í Keflavík.
Jólaleik Lyf og Heilsu var þannig háttað að viðskiptavinir settu nafn sitt í pott og áttu þannig von á veglegum vinningum. Þátttaka var mjög góð að sögn Sigurðar Gestssonar, apótekara, og voru viðskiptavinir ánægðir með uppátækið. Auk þeirra tveggja sem áður eru nefnd þá voru átta aðilar til viðbótar sem hljóta hver um sig tvo miða í Sambíóin. Þau eru Jóhann B. Guðmundsson, Erna Guðjónsdóttir, Freyr Gunnarsson, Þórhalla Sæþórsdóttir, Ingileif Ingólfsdóttir, Hildur Rós Hjartardóttir, Elín Bjarnadóttir og Brynja H. Bjarnadóttir.
Starfsfólk Lyf og Heilsu þakkar öllum sem tóku þátt í jólaleiknum.

Myndin:  Sigurður Gestsson apótekari, Sigurður Sindri, sem tók við vinningi fyrir hönd systur sinnar Önnu Siggu og Steinþór Þórðarson, sem hlaut aðalvinninginn.
VF-ljósmynd: Hilmar Bragi.