Stebbi og Eyfi á ferð um Ísland

Þeir félagar Stefán Hilmarsson og Eyjólfur Kristjánsson eða Stebbi og Eyfi, eins og þeir kalla sig öllu jafna, sendu frá sér geisladiskinn „Fleiri notalegar ábreiður“ fyrir síðustu jól og eru nú á tónleikaferð um Ísland til að kynna diskinn fyrir landsmönnum ásamt því að flytja margar af perlum dægurlagasögunnar, sem þeir hafa sungið í gegnum tíðina. Má þar nefna lög eins og „Hjá þér“, „Okkar nótt“, „Líf“, „Undir þínum áhrifum“, „Álfheiður Björk“, „Ég lifi í draumi“, „Dagar“, „Danska lagið“, „Góða ferð“, „Þín innsta þrá“, „Draumur um Nínu“ o.m.fl. Þeir munu einnig tala við áhorfendur á léttum nótum og skjóta að óborganlegum sögum úr bransanum.

Tónleikarnir hjá þeim félögum í Byggðasafninu Garðskagavita og á Kaffi Duus Keflavík hefjast kl. 20.30 og standa yfir í rúma tvo klukkutíma

TÓNLEIKAR

Byggðasafninu Garðskagavita
Þriðjudagskvöldið 20. mars – kl. 20.30
Kaffi Duus Keflavík
Miðvikudagskvöldið 21. mars – kl. 20.30