Spennandi myndlistarnámskeið framundan

Myndlistarfélag Reykajnesbæjar býður til kynningarfundar á föstudagskvöldið í Svarta pakkhúsinu vegna myndlistarnámskeiðs sem hefst 14. janúar. Um er að ræða afar fjölbreytt námskeið sem stendur yfir í 8 vikur.

Á námskeiðinu verður m.a. fjallað um margvíslega tækni og aðferðir við mismunandi viðfangsefni. Gluggað verður í myndlistarbækur og rætt um myndlist frá ýmsum hliðum. Þá verður einnig fjallað í uppsetningar á myndlistarsýningum og þau atriði sem skipta máli þar að lútandi.

Leiðbeinandi á námskeiðinu er Guðmundur R Lúðvíksson, myndlistarmaður. Skráning fer fram hjá Miðstöð símenntunar á Suðurnesjum, www.mss.is

Kynningin verður sem fyrr segir í Svarta pakkhúsinu, neðri hæð, hefst klukkan 20 og stendur yfir í u.þ.b. klukkustund.