Söngskemmtun í Frumleikhúsinu

4Klassískar halda söngskemmtun í Frumleikhúsinu sunnudagskvöldið 23. september kl. 20.30. 4Klassískar eru Aðalheiður Þorsteinsdóttir, Björk Jónsdóttir, Jóhanna V. Þórhallsdóttir og Signý Sæmundsdóttir. Þær stöllur eru landsþekktar tónlistarkonur sem hafa nú sameinað krafta sína og myndað samvinnuhreyfinguna 4Klassískar.
Efnisskráin samanstendur af dægurperlum og sígildum sönglögum úr þekktum óperettum, söngleikjum og kvikmyndum. 4Klassískar hafa áður flutt þessa dagskrá á Ísafirði, Akranesi, Flatey á Skjálfanda og í Reykjavík og alls staðar hlotið feykigóðar undirtektir. Einnig er í farvatninu geislaplata með 4Klassískum sem koma mun út í haust.