Söngleikurinn Öskubuska – lokasýningar um helgina

Nú fer hver að verða síðastur að sjá söngleikinn Öskubusku en sýningum lýkur nú um helgina. Uppselt hefur verið á allar sýningar hingað til og verkið fengið frábæra dóma.

“ Þetta er búið að vera ævintýri líkast, frábær aðsókn og mikil ánægja með þetta framtak okkar. Að baki liggur mikil vinna og eins og oft hefur komið fram þá er þetta einstakur hópur hæfileikaríkra krakka sem lögðu allt í þetta og útkoman varð þessi frábæra sýning“ Sögðu þær Guðný Kristjánsdóttir, Gunnheiður Kjartansdóttir og Íris Dröfn Halldórsdóttir en þær eru leikstjórar sýningarinnar.

“ Það að ná 18 sýningum og  troðfylla leikhúsið öll skiptin er eitthvað sem við þorðum aldrei að vona þegar við byrjuðum á þessu verkefni en erum auðvitað afar ánægðar og stoltar. Þetta er hvetjndi bæði fyrir okkur og krakkana og aldrei að vita nema ráðist verði í eitthvað svipað seinna “

Að lokum vildu þær  þakka öllum þeim sem studdu við verkefnið og komu á sýninguna.

Síðast en ekki síst þakka þær krökkunum og fjölskyldum þeirra fyrir ánægjuleg og ómetanleg kynni.