Söfnun fyrir Norðurljósaturnum gengur vel

Listamaðurinn Guðmundur Rúnar Lúðvíksson er með hugmyndir um átta metra háa Norðurljósaturna sem hann hyggst reisa í Reykjanesbæ. Guðmundur hefur falast eftir landi undir verkið en ætlar sjálfur að standa straum af kostnaði við verkið sjálft.

Áhugasamir geta styrkt og hjálpað til við að gera Norðurljósaturnana að veruleika. Hver sá sem styrkir verkefnið um a.m.k. 1.140.-kr. fær nafn sitt grafið í eina af súlunum á verkinu. Nú þegar hafa safnast hátt á 800 þúsund krónur en áætlaður kostnaður eru fjórar milljónir.

Á heimasíðu verkefnisins segir að með lítilli upphæð frá hverjum og einum ætti að vera möguleiki á að Norðurljósaturnarnir rísi hér á landi. Fyrir utan að verkefnið sjálft skapar vinnu, þá um leið á það eftir að draga til sín fjöldan af ferðamönnum til þess að skoða himininn, norðurljósin í skjóli myrkurs.