Smíða sumarbústað í skólanum

Nemendur í smíðadeild Fjölbrautaskóla Suðurnesja vinna hörðum höndum við sumarhúsasmíð sem er hluti af námi þeirra. Þeir voru kappklæddir drengirnir í FS á þaki sumarhússins.

Meðalnámstími í húsasmíði sem er öggild iðngrein, er fjögur ár að meðtöldu grunnámi bygginga- og mannvirkjagreina, samtals fimm annir í skóla og 72 vikna starfsþjálfun.
Meginmarkmið með námi í húsasmíði er að nemendur öðlist skilning, þekkingu og færni til að sinna allri smíðavinnu í bygginga- og mannvirkjaiðnaði hvort sem er verkstæðis- og innréttingavinna, úti- og innivinna á byggingastað eða viðgerða- og breytingavinna. Náminu lýkur með sveinsprófi er veitir rétt til starfa í iðninni og til inngöngu í nám til iðnmeistaraprófs. Heimild af vef Fjölbrautaskóla Suðurnesja.