Smellur frá Sandgerði

Dúóið Trilogia frá Sandgerði hefur sent frá sér nýtt lag, sem kallast Dreams, en glæsilegt myndband fylgir útgáfunni. Það eru þau Fríða Dís Guðmundsdóttir og Finnbjörn Benónýsson sem skipa hljómsveitina en þau hafa verið að gera tónlist saman frá unglingsaldri. Fríða er flestum kunn úr hljómsveitinni Klassart, en þau Finnbjörn voru einnig saman í hljómsveitinni Tabula rasa á árum áður.

Annað lag eru væntanleg fljótlega en þau Fríða og Finnbjörn eru búin að vera í hljóðveri síðustu vikur. Þau munu spila á Gærunni á Sauðárkróki í ágúst og líklega eitthvað í kringum Ljósanótt og Sandgerðisdaga.

Tónlist sveitarinnar er rafskotið popp en lagið Dreams er önnur smáskífa þeirra. Keflvíkingurinn Þorsteinn Surmeli sá um að gera myndbandið við lagið sem sjá má hér að ofan.