Skyrgámur og jólasveinar í Þorláksmessustremningu

Það var góð stemmning á Þorláksmessukvöld í miðbæ Keflavíkur þegar jólaverslunin og stemningin náði hámarki fyrir þessi jól. Að sjálfsögðu var okkar eini sanni Skyrgámur á staðnum. Hann heilsaði upp á krakkana og fólk á ferðinni og söng með Jólahljómsveit Tónlistarskóla Reykjanesbæjar.

Kaupmenn voru flestir ánægðir með jólaverslunina, sögðu að hún hefði verið jöfn og góð. Eins og undanfarin ár var jólahljómsveit Tónlistarskólans á ferðinni síðustu tvær helgarnar fyrir jól og svo á Þorláksmessu. Hún fór um allan bæ og lék jólalög. Jólasveinar gáfu krökkunum nammipoka og eins og sjá má á myndunum var líf og fjör í bænum, korter fyrir jól.

Jólasveinar gáfu krökkunum nammipoka. Hér að neðan má sjá konu á tali við Skyrgám.

Skyrgámur er vinsælt myndefni.