Skyndihjálparnámskeið í 88 Húsinu

Á morgun miðvikudaginn 10. maí verður námskeiðið Slys á börnum á efri hæð 88 Hússins. Námskeiðið er á vegum Ungt fólk með ungana sína og byrjar námskeiðið kl. 14:00.

Sigríður K. Sverrisdóttir, hjúkrunarfræðingur fer með námskeiðið. Farið verður í gegnum öryggi barna í bíl, endurlífgun, aðskotahlut í hálsi, áverka og skyndihjálp. Þátttakendur hafa lýst námskeiðinu sem skyldu fyrir alla foreldra. Námskeiðið er FRÍTT og eru allir hvattir til þess að mæta.

Miðvikudagana 17. og 24. maí ætla foreldrarnir að hittast með börnin sín efri hæð 88 Hússins. Seinasta námskeiðið verður miðvikudaginn 31. maí og kemur þá Arna Skúladóttir sem er frumkvöðull hér á landi í lækningu barna með svefnraskanir og hefur bjargað sálarlífi fjölmargra svefnvana foreldra.