Skötumessan fer fram í kvöld

Skötumessan 2014 verður haldin í Miðgarði Gerðaskóla í Garði í dag miðvikudaginn 16. júlí kl. 19.00. Húsið opnar kl. 18:15 og borðhald hefst kl. 19:00. Vönduð skemmtidagskrá hefst svo kl. 19:30 þar sem koma fram frábærir listamenn. Glæsilegt hlaðborð; skata, saltfiskur, plokkfiskur og meðlæti.

Forsala aðgöngumiða er hafin. Þeir sem greiða í forsölu fá örugg sæti en samkvæmt venju er uppselt á Skötumessuna. Þeir sem vilja tryggja sér miða verða að leggja 4,000 kr. á mann inn á reikning Skötumessunnar 0142-05 70506, kt. 580711-0650 og hafa með sér útprentað afrit af innlegginu sem aðgöngumiða á Skötumessuna. Skötumessan er áhugafélag um velferð fatlaðra.